MINGGU JUBILATE 03 Mei 2020
⁶ |
ACARA MINGGU PALMARUMPARTORDING NI PARMINGGUAN KELUARGA
DI MINGGU JUBILATE
Minggu, 03 Mei 2020
TOPIK: “MAROLOPOLOP MA TU DEBATA”
I. PANGARADEON
01. Partangiangan on diuluhon ama manang ina di inganan naung pinarade hian.
02. Dipillit ma sahalak na manguluhon tangiang pangondianon.
03. Asa ganup halak paradehon bibel dohot buku endena be. Jala diparade hian ma inganan pelean.
II. PARMINGGUAN
01. Hata Tabe:
Syalom ma di hita salauhutna! Sadarion masuhanta ma Minggu JUBILATE, na marlapatan marolopolop tu Debata ma sandok tano on (Psalm 66 : 1). Di bagasan unduk dohot serep ni rohanta, tapangido ma ai ni roha ni Debata di hamamasa ni parsahiton na binahen ni COVID-19 on jala sai tongtong ma hita mamuji Ibana di ganup gulmit ni ngolunta. Antong, taparade ma hibul roha dohot pikiranta laho marsaor dohot Ibana. Martangiang na hohom ma hita. ~ saat teduh ~ Amen.
02. Marende: BE No. 565 : 1 + 4 "LAS ROHANGKU LAO MAMUJI"
03. VOTUM INTROITUS TANGIANG:
(Molo partohonan na manguluhon, dijaha ma)
Marhitehite Goar ni Debata Ama, dohot Goar ni AnakNa, Tuhan Jesus Kristus, dohot Goar ni Tondi Parbadia, na tumompa langit dohot tano on. Amen.
(Molo so partohonan na manguluhon, langsung ma bagian on dijaha)
Marolopolop tu Debata ma ho, ale sandok tano on! Endehon hamu ma hamuliaon ni GoarNa, marmulia bahen hamu pujipujianNa. Dok hamu mandok Debata: Tung na songkal do angka pambahenanMu! Binahen ni hinatimbul ni gogoM ingkon marsomba tu Ho angka musuM. Haleluya!
(Diendehon): Haleluya, Haleluya, Haleluya!
Martangiang ma hita! Ale Tuhan Jesus, Tuhannami! Na mandok mauliate do hami tu Ho ala ditaluhon Ho do dosa dohot hamatean marhitehite hamamateM i, ala disondangi Ho tanomannami, asa marpanghirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong, pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen.
04. Marende: BE No. 562 : 1 2 HAMUNA ALE JOLMA”
05. PATIK:
: Patik ni Debata sihangoluhononta ima na tarsurat 1 Tesalonika 5 : 16 18, Tongtong ma hamu marlas ni roha! Unang mansadi hamu martangiang! Mandok mauliate ma hamu siala saluhutna! Ai i do dipangido Debata sian hamu marhitehite Kristus Jesus. I do sahatna.
(Rap mandok) Ale Tuhan Debata, sai pargogoi ma hami mangulahon na hombar tu patikMi. Amin.
06. Marende: BE No. 683 : 1 - 2 DI ADOPANMU, JESUS”
07. TANGIANG PANGIDOAN DOHOT BAGABAGA
Asi ma rohaM di ahu, ale Jahowa, ai mauas do huhilala; pamalum ahu, ale Jahowa, ai angka hitir do sude holiholingku. Rohangku di bagasan pe mansai mallobuk do, sadia leleng on Ho, ale Jahowa? Sai marpangulahi ma rohaM, ale Jahowa! Malua ma hosangku! Urupi ahu ala ni denggan ni basaM. Amen.
~ tangiang na hohom ~ Amen.
Bagabaga ni Debata: Munsat pe angka dolok, jala humuntal angka robean, alai anggo parasi ni rohangku na so tupa munsat sian ho, jala padan hadameonKu na so tupa humordit, ninna Jahowa siasii ho.” Amin.
08. MARENDE: BE No. 190 : 1 – 2 “LAS ROHANGKU SITUTU”
09. E P I S T E L: Epesus 5 : 15 - 21 (dijaha secara responsoria)
(manutup panjahaon ni Epistel) Ima sahatna. Martua do angka na tumangihon hata ni Debata jala na umpeopa. Amen.
10. Marende: BE No. 443 : 1 – 2 “DUNG TUHAN JESUS”
11. M A N G H A T I N D A N G H O N H A P O R S E A O N
Ahu porsea di ........ Amen.
12. T A N G I A N G P A N G O N D I A N O N
13. Marende: BE No. 435 : 1
“MAROLOPOLOP TONDINGKI”
14. J A M I T A: 1 Kronika 16 : 31 - 36
15. Marende: BE No. 564 : 1 2 LAS MA ROHANTA” (Pelean tu huria dohot tu Pusat)
16. T A N G I A N G P E N U T U P: Ale Amanami Pasupasu (molo diuluhon partohonan) Amen, Amen, Amen (diendehon)
Komentar
Posting Komentar