MINGGU KANTATE

PARTORDING NI PARMINGGUAN KELUARGA 

DI MINGGU KANTATE

Minggu, 10 Mei 2020

TOPIK: “MANGENDEHON HALUAON NA SIAN TUHAN I” 

I.    PANGARADEON

01.   Partangiangan on diuluhon ama manang ina di inganan naung pinarade hian.

02.   Dipillit ma sahalak na manguluhon tangiang pangondianon.

03.   Asa ganup halak paradehon bibel dohot buku endena be. Jala diparade hian ma  inganan pelean.

II.   PARMINGGUAN
 01.  Hata Tabe:
Syalom ma di hita salauhutna! Sadarion masuhanta ma Minggu KANTATE, na marlapatan endehon hamu ma di Jahowa ende na imbaru (Psalm 98 : 1). Di bagasan unduk dohot serep ni rohanta, sai tongtong ma hita mamuji Ibana di ganup gulmit ni ngolunta.  Antong, taparade ma hibul roha dohot pikiranta laho marsaor dohot Ibana. Martangiang na hohom ma hita.~ saat teduh ~ Amen. 

02.    Marende: BE No.  587 : 1 + 3      TAENDEHON LAS NI ROHA

03.    VOTUM  INTROITUS  TANGIANG:
(Molo partohonan na manguluhon, dijaha ma)
Marhitehite Goar ni Debata Ama, dohot Goar ni AnakNa, Tuhan Jesus Kristus, dohot Goar ni Tondi Parbadia, na tumompa langit dohot tano on. Amen.
(Molo so partohonan na manguluhon, langsung ma bagian on dijaha)
Endehon hamu ma di Jahowa ende na imbaru, ai nunga dipambahen Ibana angka halonganan. Nunga dipabotohon Jahowa hatuaonNa, nunga dipapatar Ibana hatigoranNa di adopan ni angka sipelebegu. Nunga ditumpahi tangan siamunNa na badia i Ibana. Haleluya!
(Diendehon): Haleluya, Haleluya, Haleluya!
Martangiang ma hita! Ale Tuhan Jesus, Tuhannami! Ho do panondang na sintong na manondangi ganup jolma na di portibi on. Sondangkon ma bohiM tu hami jala parbadiaima rohanami asa hutanda hami dalan hangoluan marhite sian i. Sai rajai ma hami asa unang manimbil hami sian dalan na sintong i. Ale Tuhan Jahowa, patongtong ma rohanami marhaporseaon tu Ho marhitehite Tondi Parbadia. Amen.

04.    Marende: BE No.  561 : 1  2 ENDEHON DEBATA”

05.    PATIK: 
: Patik ni Debata sihangoluhononta ima na tarsurat 1 Petrus 2 : 17, Marhapantunon ma hamu tu sasude; haholongi ma angka dongan; habiari ma Debata; pasangap ma raja!”. I do sahatna.
(Rap mandok) Ale Tuhan Debata, sai pargogoi ma hami mangulahon na hombar tu patikMi. Amin.

06.    Marende: BE No. 432 : 1 - 2 SIAN HURUNGAN NI DOSANGKI”

07.    TANGIANG PANGIDOAN DOHOT BAGABAGA
Asi ma rohaM di ahu, ale Jahowa, ai mauas do huhilala; pamalum ahu, ale Jahowa, ai angka hitir do sude holiholingku. Rohangku di bagasan pe mansai mallobuk do, sadia leleng on Ho, ale Jahowa? Sai marpangulahi ma rohaM, ale Jahowa! Malua ma hosangku! Urupi ahu ala ni denggan ni basaM. Amen.
~ tangiang na hohom ~  Amen.
Bagabaga ni Debata: Munsat pe angka dolok, jala humuntal angka robean, alai anggo parasi ni rohangku na so tupa munsat sian ho, jala padan hadameonKu na so tupa humordit, ninna Jahowa siasii ho.” Amin.

08.    MARENDE: BE No. 695 : 1 – 2 “JESUS, TUHANKU DI HO MA AU ON” 

09.    E P I S T E L:  5 Musa 31 : 14  22 (dijaha secara responsoria)​
(manutup panjahaon ni Epistel) Ima sahatna. Martua do angka na tumangihon hata ni Debata jala na umpeopa. Amen.

10.    Marende: BE No. 453 : 1 – 2 “SADA GOAR NA UMMULI”

11.    M A N G H A T I N D A N G H O N  H A P O R S E A O N
Ahu porsea di ........ Amen.

12.     T A N G I A N G  P A N G O N D I A N O N

13.     Marende: BE No.  16 : 1 - 2 “TAPUJI MA TUHANTA”

14.     J A M I T A: Pangungkapon 12 : 10  12

15.     Marende: BE No.  125 : 1  2 MARLAS NI ROHA” (Pelean tu  huria dohot tu Pusat)

16.     T A N G I A N G  P E N U T U P: Ale Amanami  Pasupasu (molo diuluhon partohonan)  Amen, Amen, Amen (diendehon)